Цитата

Bir Hadisi Şerifte aytılğanı kibi: Hayırlı işke vesile olğan, yardım etken insan, sanki o işni yapqan kibi olur ve sevap qazanır!
Men de I Qırım Ziyalılar İftar Aqşamı’na destekçi çıqqan değerli iş adamlarımızğa içten teşekkürlerimni bildirmek isteyim. Allah vergen iftarlarını ve hizmetlerini qabul eylesiñ ve olarnıñ keselerine Kendi Sonsuz hazinelerinden şangır şangır zenginlik ve bereket aqıtsıñ. Aqıtsıñ ki, bu şanlı halqımıznıñ muqaddes degerleri ve ülvi mefküreleri yolunda daa çoq masraf etsiñler ve daha çoq qazansıñlar. Hem bu dünyada, hem Ebediy Alemde!

Меселе эр кунь оледжек киби яшамакъ ве бир кунюне 25 саатны сыгъдырып эбедий дакъкъаларны къазанмакъ.

Олюмни, ишанчсызлыгъны, хиянетликни дегиль, хаятны лаф этмек, умутны, джесаретни, севгини ве садакъатны юреклерге уфлемек.

Мерт амма акъыллы яшамкъ! Сырадан бир инсан олып инсанлар арасында долашыр экен, хаял ве тюшюнджелерин иле олюм ве мезар отесине мердивен къоймакъ. Ве керек олгъанда акъ-укъукъ, адалет, намус ве миллет огърунда, яни Аллах ичюн, ич тюшюнмезден, малыны ве джаныны феда этмек. Ве буларны япкъанда, сакъын а…, озюнде бир къараманлыкъ арамамакъ. Бир ана баласы ичюн атешке атлагъанда озюнинъ къараманлыгъыны ич тюшюнирми…? Иште бойле темиз юрек ве ихляснен япмакъ!

Меселе — дюньяларгъа саип олып та ичинде бир кефен олгъан торбанен аятны келип-кечмек… Бир ат киби, къуш киби афиф олмакъ. Бир де, мумкюн исе, озюни алдатмамакъ…

Бойле инсанлар арайым сокъакълар арасында ве келеджек несиллерде, достлар! Тапсам да, ишим аякъкъабыларындан тоз сильмек олсын.